Штогод у першую нядзелю чэрвеня сваё прафесійнае свята адзначаюць меліяратары Беларусі. Людзі, якія акультурваюць і адраджаюць землі, даюць ім другое жыццё, робяць прыдатнымі для карыстання.

Сімвалічна, што ўшаноўваюць працаўнікоў галіны ў пачатку лета, калі ўся прырода квітнее. Здаецца сама зямля, пераўтвораная гаспадарскай рукой, дзякуе за працу зялёным дыванам збожжавых траў там, дзе калісьці былі балоты і хмызнякі. Меліярацыйныя землі нашага раёна, гэта больш за сорак сем тысяч гектараў, за якія нясе адказнасць Петрыкаўскае ПМС.

Сёння петрыкаўскія меліяратары сустрэліся ўсім калектывам для атрымання заслужаных узнагарод ад старшыні раённага Савета дэпутатаў Віталія Пілера, дырэктара прадпрыемства Аляксея Крупіневіча, старшыні Петрыкаўскай раённай прафсаюзнай арганізацыі Беларускага саюза работнікаў аграпрамысловага комплексу Алены Галеня.

З надыходзячым святам, вас, меліяратары Петрыкаўшчыны!

Святлана Собалева. Фота аутара      

«Петрыкаускiя навiны»