З ХЛЕБНЫХ ПАЛЁЎ СЁННЯ ПРЫЙШЛА ПРЫЕМНАЯ ВЕСТКА: ПЕРШЫМ ТЫСЯЧНІКАМ НА ХОЙНІКШЧЫНЕ СТАЎ ЭКІПАЖ ААТ “ВЕЛЯЦІН АГРА” У СКЛАДЗЕ ДЗМІТРЫЯ ШЛЁГА І АЛЯКСАНДРА ЗЫХА. УРА!

Уборачная – гэта не толькі працоўныя будні, але і ўрачыстыя моманты, калі пачэсныя госці рады павіншаваць тых, хто гэта заслужыў.

Душэўныя ўшанаванні перадавікам аказалі: старшыня Гомельскай абласной арганізацыі Беларускага прафсаюза банкаўскіх і фінансавых работнікаў Аляксандр Машкароў, дырэктар гаспадаркі Аляксандр Краўчанка, прафсаюзны лідэр галіны АПК Хойніцкага району Святлана Марчанка, прадстаўнікі райсельгасхарчу.

Сакрэт поспеху нашых хлебаробаў просты: працаваць так, каб не было сорамна перад самім сабой, ганарыліся бацькі і жонка з дзецьмі.

Сціплыя тысячнікі прызналіся, што не ставілі мэту абавязкова заняць лідэрскія пазіцыі:

– Проста працуем добрасумленна, імкнемся адзін аднаго не падводзіць. Калі разумееш і бачыш, што твае старанні ацэньваюцца – вельмі прыемна. І, зразумела, ганарымся быць першымі ў раёне!

Газета “Хойніцкія навіны”